Yüklənir...
Ümumi məlumat
Ətraflı məlumat
1451-ci ildə təsis edilən Glasgow Universiteti Şotlandiyanın ən qədim və ən prestijli təhsil müəssisələrindən biridir. Şotlandiyanın Glasgow şəhərində yerləşən bu universitet, zəngin tarixi və akademik irsi ilə tanınır.
Glasgow Universiteti yüksək təhsil keyfiyyəti və innovativ tədqiqat proqramları ilə dünya miqyasında tələbələri özünə cəlb edir.
Glasgow, tələbələrə geniş çeşidli tədris proqramları və müasir təhsil imkanları təklif edir. Universitetin kampusu tələbələr üçün hər cür şəraitlə təmin olunmuş, müasir laboratoriyalar, kitabxanalar və tədqiqat mərkəzləri ilə təchiz olunmuşdur.
Məşhur iqtisadçı və filosof Adam Smith, fizika üzrə Nobel mükafatçısı Sir Joseph Black və iqtisadiyyat üzrə Nobel mükafatçısı Sir James Mirrlees kimi görkəmli şəxslərin məzun olduğu Glasgow Universiteti haqqında gəlin daha geniş məlumat alaq.
Bakalavr tədris pilləsi üçün:
Magistratura tədris pilləsi üçün:
Doktorantura tədris pilləsi üçün:
Bu proqramlar universitetdə olan ən məşhur proqramlardan bəziləridir. Glasgow Universitetində olan bütün proqram və ixtisasla bağlı məlumatı universitetin rəsmi veb-saytından ala bilərsiniz.
Glasgow Universitetində yerli tələbələr ilə beynəlxalq tələbələrin təhsil haqları fərqlidir. Beynəlxalq tələbələr üçün illik təhsil haqqı bakalavr tələbələrinə £21,600-dən, magistratura üçünsə £24.000-dən başlayır.
Tədris pilləsi və ixtisasdan aslı olaraq təhsil haqları fərqlənir.
Qəbul üçün lazım olan sənədlər
İngilis dili biliyi tələbləri:
Proqramsan asılı olaraq fərqli və əlavə sənədlər tələb oluna bilər.
Glasgow Universiteti tələbələrin maddi çətinlik çəkmədən, rahat təhsil almaları üçün təqaüdlər təklif edir. Universitetin təyin etdiyi bu təqaüdlər, tam və ya qismən təhsil haqqını, yaşam xərclərinin bir qismini qarşılayaraq tələbələrin təhsil xərclərini azaltmaq üçün nəzərdə tutulub.
Təklif olunan təqaüdlərdən bəziləri bunlardır:
Undergraduate Excellence Scholarships: Akademik cəhətdən üstün olan beynəlxalq tələbələr üçün nəzərdə tutulub və hər tədris ili verilir.
Talent Scholarships: Bu təqaüdlər, xüsusi sahələrdə (məsələn, idman, incəsənət və s.) bacarıqlı tələbələr üçün verilir.
Postgraduate Taught Scholarships: Magistr təhsili alan tələbələr üçün nəzərdə tutulub və akademik üstünlüyə görə verilir.
Research Scholarships: Doktorantura səviyyəsində tədqiqat aparmaq istəyən tələbələr üçün verilir və müxtəlif sahələrdə araşdırmaları dəstəkləyir.
International Leadership Scholarship: Bu təqaüd, liderlik potensialı olan və akademik cəhətdən üstün beynəlxalq tələbələr üçün nəzərdə tutulmuşdur.
Bu təqaüdlər universitetin təklif etdiyi dəstəyin bir hissədir. Təqaüdlərlə bağlı ətraflı məlumat və müraciət üçün Glasgow Universitetinin rəsmi veb-saytına keçid edə bilərsiniz.
Şotlandiyanın ən böyük şəhəri olan Glasgow-da yerləşən universitet, tələbələrin həm akademik, həm də sosial həyatını zənginləşdirən bir çox imkanlara malikdir.
Universitetin kampusunda və şəhər ətrafında yerləşən tələbə yataqxanaları, mərkəzlər tələbələrin ehtiyaclarını qarşılayacaq şəkildə təchiz olunmuşdur.
Kampus həyatı
Glasgow şəhəri, tələbə həyatı üçün mükəmməl bir mühit təqdim edir. Şəhərin müxtəlif hissələrində kampuslar yerləşir və hər biri tələbələrin ehtiyaclarını qarşılayan müxtəlif obyektlərə malikdir.
Gilmorehill kampusu, universitetin əsas kampusu olaraq, tələbələrin ən çox vaxt keçirdiyi yerdir və burada mühazirə zalları, laboratoriyalar, kitabxana və sosial məkanlar yerləşir.
Tələbə birlikləri
Glasgow Universitetində müxtəlif ölkələrdən olan tələbələr var və onların bir birlərilə əlaqə qurmaları, sosial inkişafları üçün birliklər fəaliyyət göstərir. Bu birliklər tələbələrə öz maraqlarını inkişaf etdirmək və yeni dostlar qazanmaq üçün mükəmməl imkanlar yaradır.
Beynəlxalq tələbələr üçün xüsusi tədbirlər və dəstək xidmətləri də mövcuddur.
Sosial və mədəni fəaliyyətlər
Glasgow, mədəniyyət və incəsənət sahəsində zəngin şəhərdir. Tələbələr üçün teatr, muzey, konsert zalları və sənət qalereyaları kimi bir çox mədəni fəaliyyət imkanları mövcuddur.
Həmçinin, şəhərdə keçirilən müxtəlif festivallar və tədbirlər tələbə həyatını daha da maraqlı edir.
İdman və fərdi inkişaf
Universitet, tələbələrin fiziki sağlamlığını və fərdi inkişafını dəstəkləyən müxtəlif idman obyektləri və proqramları təklif edir. Kampusdakı idman mərkəzlərində müxtəlif idman növləri ilə məşğul olmaq və ya yeni bacarıqlar öyrənmək mümkündür.
Dəstək xidmətləri
Tələbələrin akademik və şəxsi inkişafına dəstək olmaq üçün geniş spektrdə xidmətlər təklif olunur. Bu xidmətlərə akademik məsləhət, psixoloji dəstək, karyera məsləhətləri və beynəlxalq tələbələr üçün xüsusi dəstək daxildir.
Siz də Birləşmiş Krallığın ən yaxşı universitetlərindən olan Glasgow Universitetində təhsil almaq istəyirsinizsə, Azeri Student-ə müraciət edin! Xaricdə təhsil mütəxəssislərimiz keyfiyyətli təhsil alamağınız üçün sizə dəstək olacaq.
