Yüklənir...
Ümumi məlumat
Ətraflı məlumat
Keele Universiteti 1949-cu ildə Böyük Britaniyanın Staffordşir şəhərində yaradılmış nüfuzlu ali təhsil müəssisəsidir.
Universitet geniş və hərtərəfli kampusu, innovativ təhsil yanaşması və tələbə yönümlü tədrisilə tanınır.
Böyük Britaniyanın prestijli universiteti beynəlxalq səviyyədə tanınan və akkreditə olunmuş bakalavr, magistr və doktorantura proqramları təklif edir.
Keele-nin tədqiqat yönümlü təhsil modeli tələbələrin tənqidi düşünmə, problem həll etmə və innovativ yanaşmalar inkişaf etdirmə bacarıqlarını artırır. Universitetin professor-müəllim heyəti öz sahəsində mütəxəssis olan professor və tədqiqatçılardan ibarətdir.
Böyük Britaniyanın mərkəzində yerləşən Keele Universiteti dünya səviyyəli təhsil almaq istəyən tələbələr üçün mükəmməl seçimdir. Çoxsahəli təhsili, yüksək akademik standartları və zəngin sosial həyatı ilə tələbələr üçün uyğun olan bu universitet haqqında gəlin ətraflı məlumat alaq.
Bakalavr tədris pilləsi üçün:
Magistratura tədris pilləsi üçün:
Doktorantura tədris pilləsi üçün:
Bu proqramlar universitetdə olan ən məşhur proqramlardan bəziləridir. Keele Universitetində olan bütün proqram və ixtisasla bağlı məlumatı universitetin rəsmi veb-saytından ala bilərsiniz.
Keele Universitetində beynəlxalq tələbələr üçün illik təhsil haqqı bakalavr tələbələrinə £17,100-dən başlayır. Magistratura üçün də illik təhsil haqqı £17,100-dən başlasa da, əskər ixtisasların ödənişi £21,900-dən başlayır.
İngilis dili biliyi tələbləri:
Bu tələblər ümumidir və proqramdan asılı olaraq əlavə sənədlər də tələb oluna bilər.
Keele Universitetində müxtəlif təqaüd proqramları mövcuddur. Bu təqaüdlərin içərisində həm universitetin, həm dövlətin təmin etdiyi, həm də beynəlxalq təqaüd proqramları var.
Təhsil haqqını tam və ya qismən qarşılamaqla bərabər, tələbələrin bir çox ehtiyacını qarşılayan təqaüdlərdən bəziləri bunlardır:
Undergraduate Global Scholarship: Akademik göstəriciləri yüksək olan bakalavr tələbələrinə verilir.
Advanced Entry Scholarship: Akademik göstəriciləri yüksək tələbələr üçün nəzərdə tutulub.
Postgraduate Global Scholarship: Akademik göstəriciləri yüksək olan magistratura tələbələrinə verilir.
Chevening scholarships: Azərbaycanın da daxil olduğu, Chevening ölkələrdən olan tələbələr üçün nəzərdə tutulub.
Təqaüd tam təhsil haqqını, tələbənin səyahət, sığorta, viza xərcləri kimi bir çox xərclərini təmin edir.
Commonwealth Scholarships: Böyük Britaniyanın “Foreign, Commonwealth & Development Office”- tərəfindən maliyyələşdirilən təqaüd proqramıdır.
GREAT Scholarships: Böyük Britaniyanın GREAT Britaniya kampaniyası və Britaniya Şurası tərəfindən maliyyələşdirən və müəyyən ölkələrdən olan tələbələr üçün nəzərdə tutulan proqramdır.
Universitetdəki bütün təqaüd proqramları haqqında məlumat üçün rəsmi veb-saytda “Bursaries and scholarships for international students” səhifəsini ziyarət edə bilərsiniz.
Keele Universiteti prestijli təhsililə bərabər, çoxşaxəli kampusu ilə maraqlı tələbə həyatına da sahibdir.
Universitetin geniş və hər detalı nəzərə alınaraq hazırlanılan kampusu tələbələrə həm akademik, həm də sosial fəaliyyətlər üçün ideal mühit yaradır.
Universitetin tələbə həyatına müsbət təsir edən faktorlarına bunları aid edə bilərik:
Kampus həyatı
Keele Universitetinin kampusunda müasir tədris binaları, kitabxanalar, idman mərkəzləri, restoranlar və kafelər mövcuddur. Bütün bu təsislər tələbələrin ehtiyaclarını kampus daxilində qarşılamağa imkan verir.
Eyni zamanda universitetdə müxtəlif sosial klublar və dərnəklər də fəaliyyət göstərir. Bu klublar tələbələrə maraq dairələrinə uyğun fəaliyyətlərdə iştirak etmək, yeni dostlar qazanmaq və hobbilərini inkişaf etdirmək imkanı yaradır.
Bundan əlavə, illik Keele Fest kimi tədbirlər tələbələrə əyləncəli və sosial mühit təmin edir.
Dəstək xidmətləri
Universitet tələbələrə akademik və şəxsi məsələlərdə dəstək göstərmək üçün müxtəlif xidmətlər verir. Tələbə məsləhət xidmətləri, karyera rəhbərliyi, sağlamlıq xidmətləri və təlimə dəstək mərkəzləri kimi imkanlar tələbələrə təhsil boyu qarşılaşdıqları problemlərin öhdəsindən gəlməyə kömək edir.
İdman
Universitetin idman mərkəzləri tələbələrə müxtəlif idman növləri ilə məşğul olmaq imkanı verir. Burada gimnastika zalları, üzgüçülük hovuzları və müxtəlif idman sahələri mövcuddur.
Keele Universiteti tələbələrin fiziki və psixoloji sağlamlığına böyük diqqət yetirir və onlara tibbi xidmətlər və psixoloji dəstək də göstərir.
Mədəni müxtəliflik
Keele Universiteti 120-dən çox ölkədən olan tələbələr təhsil alır. Bu müxtəliflik tələbələrə müxtəlif mədəniyyətlər haqqında öyrənmək və qlobal perspektiv əldə etmək imkanı verir.
Universitetdə keçirilən beynəlxalq günlər və mədəni tədbirlər tələbələrə müxtəlif ölkələrlə əlaqələr qurmalarına imkan yaradır.
Keele Universitetində təhsil almaq istəyirsinizsə, bizimlə əlaqə saxlaya bilərsiniz!
